Dýralíf

Síðustu helgi fórum við Ásta með strákana í bíó í Beckenham. Þetta var í fyrsta sinn sem Kalli fór í bíó. Fyrir valinu varð myndin "Happy Feet". Þetta var stórskemmtileg mynd um misþroska mörgæs; hún gat ekki sungið, bara dansað steppdans. Kalli var dálítið hræddur til að byrja með en síðan lifnaði yfir honum þegar hann fékk risapoppkornskassa og nammipoka.
Við vorum svo hrifin að keisaramörgæsunum að við dustuðum rykið af dýralífsmyndinni "The March of The Penguins", þar sem Morgan Freeman er sögumaður. Þetta er frábær mynd í alla staði og myndatakan í sérflokki.
kv Kalli