Áramótarkveðja

Við hjá Bromleytíðindum viljum óska lesendum gleðilegs árs með þökk fyrir gamla árið. Ritstjórnin hefur verið í góðu yfirlæti í sólinn á Florida síðustu daga í góðra vina hópi.Dagarnir hafa mikið gengið út á það að dekra við yngri kynslóðina og njóta þess að vera saman í stresslitlu umhverfi í góða veðrinu. Í stað hefðbundinna jólaboða höfum við litið inn til Mikka Mús og félaga. Við höfum reyndar ekki enn vanist tímamismuninum sem lýsir sér þannig að Kalli litli vaknar enn klukkan þrjú á morgnana útsofinn og vill fá morgunmat. Óðinn er þó orðinn sjóaðri og er til dæmis í þessum töluðu orðum á körfuboltaleik Orlando-Miami Heat þó að klukkan sé að ganga fjögur á enskri klukku.
Það er hálf súrealískt að vera í 27 stiga hita á jóladag úti í sundlaug í boltaleik við börnin en verð ég að viðurkenna að það er ósköp notalegt og gæti vel vanist.
Við gleymdum að senda jólakortin í ár, við skrifuðum þau reyndar, settum í umslög en lengra komust þau ekki. Viljum við biðja hlutaðeigandi velvirðingar, við höldum þó að allir þeir sem áttu að fá jólakveðju þetta árið sé fullkunnugt um hversu vænt okkur þykir um ykkur og erfi það ekki.
Bestu kveðjur í bili,
Ásta