Jæja...

Þá þarf maður að fara að slá helvítis garðinn, þetta er allt komið í órækt. Sólblómin vaxa og vaxa og þau stærstu orðin hærri en prikið sem heldur þeim uppi. Hvað þarf maður eiginilega stór prik fyrir þessar jurtir? Endar sennilega með því að ég verð að kaupa 3 metra bambus til að styðja við þessi skrímsli.
Dagurinn í dag var viðbjóðslega heitur. Svitadroparnir hreinlega drupu af mér niður á útbýtin í fyrirlestrunum í dag og ég sá allt í móðu. Einhver asnaðist til að spyrja hvort það væri enginn loftkæling í húsinu. Hann fékk þau svör að það væri loftkæling en hún hefði undanfarin ár alltaf bilað á heitasta degi ársins, þolir hreinlega ekki álagið. Síðan þarf alltaf að skrifa bréf til viðhaldsdeildarinnar og ef vel gengur er gert við loftkælinguna í september, þegar farið er að hausta. Þetta flokkast að mínu mati undir snilld.
Til þess að létta mér lundina ákvað ég því að skella í túnfisksalat þegar ég kom heim. Salatið var algjört æææðððiii!! Það er svo gaman að gera eitthvað skapandi með mat. Ég er vanur að setja nota túnfisk, lauk, harðsoðin egg og gular baunir, en núna gerðist ég svolítið wild og setti slatta af rauðri papriku með. Þetta sló alveg í gegn, meiriháttar gott.
Ég var svo high eftir þetta að ég dró fram efnisbúta sem ég keypti í síðustu viku á útsölu og ætla að nota í gardínur. Ég er búinn að mæla fyrir gardínunum en ég er bara ekki alveg nógu ánægður með litinn, efnið er svona kóngablátt en ég held að það komi betur út að hafa þetta meira út í lillablátt og svolítið rifflað í endana. Læt vita hvernig þetta kemur út.
kv Kalli