Heitt heitt heitt

Sá í sjónvarpinu áðan að á morgun verður líklega heitasti dagur ársins, 33 gráður með miklum raka. Við reynum að sporna við þessu við litlum viftum en gengur illa. Best væri að standa í sturtu allan daginn en maður þarf víst að mæta í vinnuna til að stunda lækningar. Í dag voru lítil börn á biðstofunni sem ældu (greyin kannski búin að bíða í 30+ gráðum í 30 mín), klinkurnar voru ekki hrifnar af því að þrífa heita æluna.
Óðinn heldur samt áfram að hoppa á trampolíninu, er bara kátur í hitanum.
Við erum að jafna okkur eftir særindi helgarinnar, það að Englendingar komust ekki áfram í undanúrslit í fótbolta. Við fórum út að borða og þurfti heila hvítvín fyrir mig eina til að kyngja særindunum. Óðinn var mjög kátur að fá Einar tengdapabba í heimsókn yfir helgina enda fékk hann greidda leigu fyrir herbergið sitt (meiri peningur í skjaldbökusjóðinn). Fyrir þá sem ekki vita er Óðinn að safna sér fyrir skjaldböku og er næstum því kominn með fyrir henni. Já við erum líka að fara að flytja núna fljótlega, flytjum í rúmbetra húsnæði eftir 2 vikur. Biðjum við dygga lesendur Bromleytíðinda að fjölmenna og hjálpa okkur við flutningana. Bjór og pizza verður í boði okkar.