England 2- Svíþjóð 2

Í kvöld settist fjölskyldan niður við imbann og horfi á fótbolta. Við upplifðum svona íslenska Evróvisionstemningu, ekki hræða á götunum, allar pizzurnar uppseldar í hverfisbúðinni og vinnufélagarnir að skipuleggja fótboltapartý (hvort sem þeir hafa áhuga á fótbolta eða ekki).
Hérna veit hvert mannsbarn eldri en 6 ára hvaða bein Rooney braut um daginn og öll enska þjóðin fylgdist spennt með þegar færustu beinasérfræðingar Evrópu lásu úr MRI skanninu sem hann fór í.
Ég bakaði Betty Crocker köku í tilefni dagsins og rann hún ljúflega niður í mannskapinn.
Við höldum svo annað partý þegar England mætir Ecqador í 16 liða úrslitunum. Áfram England!
Kv. Ásta