Valentínusardiskó

Í gær eftir skóla var haldið Valentínusardiskótek í skólanum. Ég fór með Óðinn, hann var voða fínn og fór hann beint að dansa alveg á fullu. Það var bara flottur plötusnúður, hann stjórnaði herlegheitunum. Litlu stelpurnar voru svaka pæjur 5 og 6 ára, sumar með varalit og glimmer í hárinu.

Ég reyndi að vera virk sem foreldri á meðan og gaf börnunum ad drekka og passaði að rétt foreldri sækti þau í endann svo engum yrði nú stolið. Það er alveg viss list að halda uppi samræður við enskar púddur um allt og ekkert. Ég veit aldrei hvað ég á að segja við þær, þær tala mikið um hvað mennirnir þeirra gera og hvernig börnunum gengur í skólanum en lítið um sjálfa sig. Alveg frábært...

Óðinn var orðinn mjög þreyttur eftir diskóið og sofnaði í sófanum í gær um hálf átta þrátt fyrir stór plön um að horfa á opnunarhátið vetrarólympíuleikana.

Kv. Ásta