Couvade Syndrome

Þar sem ég get ekki birt myndir af geðsjúkdómum langar mig til að deila með ykkur einu syndromi, Couvade Syndrome.
Þetta syndrome dregur nafn sitt af ákveðnu rituali sem hefur verið lýst í mismunandi menningarsamfélögum öldum saman þar sem eiginmaður óléttrar konu líkir eftir hegðun hennar gegnum meðgönguna. Þegar konan síðan fær hríðir leggst hann sjálfur fyrir og líkir síðan eftir fæðingunni. Nokkra daga eftir fæðinguna er hann síðan rúmlægur á meðan hann er að ná sér eftir átökin. Alvarleg form þessa kvilla eru sjaldgæf en það er algengt að eiginmenn fái minniháttar einkenni frá þriðja mánuði meðgöngu. Þessi einkenni geta verið minnkuð matarlyst, tannpína, flökurleiki og uppköst (oft morgunógleði), meltingartruflanir, óljósir kviðverkir, harðlífi og niðurgangur. Kvíði, spenna, svefnörðugleikar eru einnig algeng einkenni. Þetta eru ekki ranghugmyndir, eiginmaðurinn trúir því ekki í raun og veru að hann sé óléttur.
Það er til marks um fordóma almennings gagnvart geðsjúkdómum að Ásta segir að ef ég myndi fá alvarleg einkenni þessa sjúkdóms, þá myndi hún skilja við mig! Þetta er nú ekki hægt, enginn skilningur á þeim bænum. kv Kalli