Pre-spring

Ég er búin að búa til nýja árstíð. Þessi árstíð nær yfir tvo mánuði;mars og apríl.  Á þessum tíma er enn vetur, ekki komið vor en hins vegar getur maður verið viss um að falleg birta baði bæinn frá um átta á morgnana og fram að kvöldmat.

Hitastig skiptir ekki máli, stundum snjóar í pre-spring en stundum ekki. 

Við áttum ljómandi góðan sunnudag, Kalli er mikill aðdáandi Silfur Egils með kaffibolla, hann er alltaf á eftir hádegi á sunnudögum, alveg tilvalið að fara í smá búðarráp á meðan.  Tók svo seinnipartssprett, 20 K, í yndislegu vetrarveðri, algjöru logni.  Mikið af túristum með skíði á bílþakinu að fá sér Brynju ís eftir sennilega fínan dag í Hlíðarfjalli.

Kalli fór með Jr. á meðan í Jólasveinabrekku í nokkrar salibunuferðir en elduðu svo svínalundir með brúnuðum kartöflum og rauðkáli handa mér, bara eins og jólin væru komin aftur þegar ég var búin að hlaupa.

Nú fer að styttast í aðalsprettinn, rétt rúmur mánuður í stóra hringinn, er bara spennt.

Kv. Ásta