Kanínurnar fá ný heimkynni

Ég fór með kanínurnar, Lubbu og Tobbu, aftur í gæludýrabúðina í dag. Búðin er með Adoption center þar sem góðviljað fólk getur komið og tekið að sér dýr sem aðrir geta ekki lengur séð um. Þetta var skásti kosturinn í stöðunni. Einn möguleiki hefði verið að sleppa þeim út í skóg, en þá hefðu þær verið étnar af refum fyrsta sólarhringinn. Ég hefði líka getað haft þær í matinn, en það er bara of mikið vesen akkúrat núna. Ég hefði getað farið með þær til dýralæknis og látið svæfa þær, en ég bara tími því ekki. Ég hefði getað fargað þeim sjálfur heima, en öll verkfærin mín, þar á meðal hamarinn, fóru heim með gámnum. Svo hefðum við náttúrulega getað tekið þær með heim sem ákveðnir aðilar agiteruðu fyrir, en það er bara tóm bilun (sorry Ásta).
Þá er bara að vona að þær eigi gott líf fyrir höndum í Englandi.
kv Kalli