Er kominn júní?

Hvað gerðist eiginlega? Ég sem er bara nýbúin að birta pistil hérna. Hálft heimilið er í kössum og hinn á rúi og stúi. Elska að flytja. Á eftir að mæta 10 sinnum í vinnuna áður en ég hætti. Ég held að það sé kominn tími til að gera lista yfir það sem ég hef lært hérna í Englandi, jú mín er nú búin að vera hérna í 3 ára í stórmenningunni.

Það sem ég hef lært í Englandi:
1. Að drekka te og þrefaldan expresso öllum stundum
2. Að finnast fullkomlega eðlilegt að segja "I do apologize" oftar en 5 sinnum á dag
3. Að vera tillitsöm í umferðinni
4. Að keyra vinstra megin á götunni og finnast það alveg jafn létt og að keyra hægra megin
5. Að skrifa mjög kurteis en afar dónaleg kvörtunarbréf, líka að svara þeim
Pása- þarf að hita mér te
6. Að læra það að það eru til fleiri en tvær tegundir af eplum
7. Að hætta að spyrja hvaða bíl fólk á, hér þykir fullkomlega eðlilegt að eiga engan bíl
8 Að endurvinna ruslið, get ekki núna með mögulegum hætti sett gler í ruslið
9 Að kunna að meta skólabúninga á börn

Það sem ég verð þakklát að losna við
1. Raðir til að kaupa lestarmiða
2. Lítil börn að borða snakk öllum stundum
3. Illa upphituð hús
4 Creepy sundlaugar þar sem loðið svitafýlufólk stingur sér ÞURRT ofan í laugina án þess að fara í sturtu á undan
5 Seinagangur. Það tekur amk 5 daga að skipta ávísun í banka, það tekur ca 4 daga að borga reikning, þá skrifar maður ávísun, sendir hana í pósti og fær kvittun 10 dögum síðar
6 Að eyða 2 klst á dag í ferðalög
7 Traffík á M25
8 teppi á baðinu
9 síðast en ekki síst: Breskar tennur, það að mörgum sé alveg sama að hafa ljótar tennur "my mum had dentures (falskar) and I am totally happy to have dentures too" -stúlka 22 ára

Kveðja í bili,
Ásta