Frábær helgi-6 dagar í gám

Þegar ég var lítil fékk ég sjö ár í röð sama málsháttinn í páskaegginu mínu "ekki hafa of mörg járn í eldinum". Ég held að þetta eigi alveg ágætlega við mig um þessar mundir þó að það sé á markmiðalistanum mínum að einfalda hlutina, gera minna á hverjum degi og slaka meira á.

Þó að helgin hafi verið mjög annasöm var hún samt bara alveg frábær. Á föstudagskvöldið hitti ég 9 eðalkonur sem ég hef kynnst hérna og drukku við allt of marga Cosmopolitan drykki og dönsuðum alveg eins og í Þjóðleikhúskjallaranum í gamla daga. Frábært party-best ever!!

Var löt á laugardaginn. Horfði þó á Kalli minn setja plastfilmu utan um húsgögnin.Í morgun vaknaði ég eldsnemma og var komin í lest upp í London með 20 þúsund öðrum hlaupurum rétt upp úr sjö. Fyrsta hlaupið mitt sem er svona opinbert keppnishlaup. Náði bara fínum tíma 58mín-11sek og var rosa stolt. Fékk mér hálfan Subway bræðing í verðlaun.