13 dagar í gám

Vaknaði í panikkasti um miðja síðustu nótt, var að fatta að ég er í alvörunni að fara að flytja bara eftir 2 vikur. Ég fór yfir "TO DO LIST" í huganum en hann var svo langur að ég ákvað bara að horfa á Sjónvarpsmarkaðinn í hálftíma til að slaka aðeins á. Tókst bara ljómandi vel!! Mætti brosandi í vinnuna með sprautuna á lofti eins og vanalega.
Ég hef verið að undirbúa mig undir næsta sunnudag en þá ætla ég að hlaupa London 10k sem er svona götuhlaup til styrktar góðgerðarmálefnum. Ég hleyp til styrktar Alzheimer samtökum. þygg öll framlög með þökkum, stór sem smá, reikn. 311-26-658, kt 2103724669. Allt fer til til styrktar Alzheimersjúklingum. Ég hef verið að æfa mig fyrir hlaupið svona til að detta ekki niður dauð við endamarkið. Passa að borða vel til að missa ekki þyngd og svo hefur Kalli verið duglegur að senda mig út að hlaupa í klukkutíma þegar er mígandi rigning og einhver góður þáttur í sjónvarpinu sem hann vill ekki láta trufla sig yfir. Mér finnst reyndar best að hlaupa í rigningu. Vona baraa ð það rigni sem mest á sunnudaginn. Ósköpunum verður sjónvarpað hér á BBC1-Óðinn minn rosa spenntur (hann ætlar að heita á mig 2 pundum ef ég klára hlaupið en hann segist ætla að gefa mér 3 pund ef ég vinn, blessaður drengurinn)
Er reyndar að skipuleggja stelpupartý hér á föstudagskvöldið-eitt til tíu hvítvínsglös ættu nú ekki að skemma fyrir er það nokkuð?

Ásta skásta