Byrjað aftur-losað um bloggstífluna

Finn fyrir því eftir að hafa verið tölvulaus í 6 vikur að það þarf að byggja upp þol að sitja við og browsa svona svipað og þegar maður hefur ekki farið lengi út að hlaupa. Bæði eru fingurnir stirðir eftir að hafa pikkað bara nokkrar línur og svo er líka samviskubitið yfir "tímasóuninn" (mjög umdeilt) miklu fljótari að hrannast upp. Entist 5 mín í fyrstu netskoðun.
Það var mikil hátíð eftir að hafa tengt tölvuna. Ég var í alvörunni farin að fitja upp á peysur eins og í gamla daga til að drepa tímann á kvöldin (prehistoric time fyrir tíma netsins) og líka skoða bækur. Imbinn fékk þó litla athygli.

Í stuttu máli er ekkert að frétta af okkur síðan síðast. Erum samt búin að fá okkur tvær kanínur. Þær eru báðar kerlingar. Önnur er loðin og ljós og heitir Tobbi, en hin er snögghærð og svört og heitir Lubbi. Þær búa í litlu húsi úti í garði og geta spókað sig um í búri sem er áfast. Þær eru enn á lífi þrátt fyrir kuldakastið undanfarið. Við getum nú staðfest að kanínur lifa af 3 gráðu hitastig næturlangt og munum láta vita ef það met verður slegið. Lubbi og Tobbi fá aldrei að fara út úr búrinu. Lubbi slapp samt um daginn en fór hvergi heldur kom hoppandi af gleði þegar komið var að næsta matartíma. Lubbi er ekki með stóran heila, en samt stærri heila en Tobbi sem áttaði sig ekki á því að búrið var opið. Lubbi og Tobbi eru alltaf glaðar og finnst gott að borða. Kalli og Óðinn hafa gaman að Lubba og Tobba. Lubbi er dálítil subba og er alltaf að koma Tobba í bobba.