Allt að smella...

Ég held að ég sé bara komin langleiðina með að redda næstu jólum. Fyrir um ári síðan var ákveðið að verja jólunum 2006 á Flórída í nágrenni við Disneyland. Ég var því búinn að bíða eftir vaktaplaninu mínu á milli vonar og ótta. Ég á að vera á vakt 21. og 29. desember. Í dag tókst mér að pranga vaktinni þann 29 inn á grískan starfsfélaga minn sem ætlar ekki til Grikklands fyrr en eftir áramót, gott ef jólin hjá honum eru ekki þá. Mér hefur einnig tekist að sannfæra starfsfélaga minn á deildinni um að það sé bara ljómandi gott að vinna á milli jóla og nýárs þannig að hann mun dekka mig þá.
Þá á ég bara eftir að fá þetta skriflegt og staðfest. Ég þarf einnig að fara í megrun, sem ætti ekki að vera erfitt þar sem ég er að vinna núna. Ég lít út eins og risastór kleinuhringur samanborið við glæsilegt venslafólk mitt sem við munum verja jólunum með.
Flórída, here I come!
kv Kalli